KVN புரொடக்ஷன்ஸ் நிறுவனம், சென்னை உயர் நீதிமன்றத்தில் தாக்கல் செய்திருந்த மனுவை திரும்பப் பெற்று, விஜய், பூஜா ஹெக்டே மற்றும் பாபி டியோல் நடித்த, ஹெச்.வினோத் இயக்கிய ‘ஜனா நாயகன்’ திரைப்படத்தை மீண்டும் தணிக்கை மறுபரிசீலனை குழுவிற்கு அனுப்பியுள்ளது.
முன்னதாக தணிக்கை காரணமாக ஏற்பட்ட தாமதத்தால், ஜனவரி 9-ஆம் தேதி பொங்கல் வெளியீடு ஒத்திவைக்கப்பட்டது. ஆரம்பக் குழு சில காட்சிகளை நீக்கி, U/A 16+ சான்றிதழ் வழங்க பரிந்துரைத்தது. ஆனால், ஒரு புகார் காரணமாக 2025 டிசம்பர் 29-ஆம் தேதி மீண்டும் பரிசீலனை நடைபெற்றது.
இதைத் தொடர்ந்து நீதிமன்றத்தில் வழக்கு தொடர்பான விவாதங்கள் நடந்தன.இந்த வாரத்திலேயே விரைவாக அனுமதி கிடைக்கும் என தகவல்கள் வெளியாகியுள்ளன.
இதனால், பிப்ரவரி 20 அல்லது 26 ஆகிய தேதிகளில் படம் வெளியாகலாம் என ரசிகர்கள் உற்சாகத்தில் உள்ளனர். இருப்பினும், அதிகாரப்பூர்வ அறிவிப்பு வரும் வரை பொறுமையாக இருக்க அதிகாரிகள் அறிவுறுத்தியுள்ளனர்.
