நெல்லிக்காய் ஊறுகாய்
நெல்லிக்காய், இயற்கையின் அரிய செல்வமாக கருதப்படும் ஒரு பழமாகும். இதன் அற்புதமான சுவை மட்டுமல்ல, உடல்நலத்துக்கு கொண்டுவரும் பல நன்மைகளும் நம்மை கவர்கின்றன. நெல்லிக்காயில் உள்ள சி-விட்டமின் மற்றும் ஆன்டி-ஆக்ஸிடென்டுகள் உடலின் நோயெதிர்ப்பு சக்தியை அதிகரிக்க உதவுகின்றன. நெல்லிக்காயை பலவிதமான உணவுகளில் சேர்த்துக்கொள்ளலாம், அவற்றில் நெல்லிக்காய் ஊறுகாய் மிகவும் பிரபலமான ஒன்று.
இந்த ஊறுகாய், வீட்டிலேயே எளிமையாக செய்யக்கூடியது. இதற்கு தேவையான பொருட்கள் எளிதில் கிடைக்கின்றன, மேலும் மிகக் குறைந்த நேரத்தில் தயார் செய்யலாம். எளிய சேர்மானங்கள் மூலம் ஆரோக்கியமான மற்றும் சுவையான ஊறுகாய் தயாரிக்கலாம். சாதம், பிரியாணி, சப்பாத்தி போன்ற பல உணவுகளுடன் நெல்லிக்காய் ஊறுகாயின் சுவை மிகச்சிறப்பாக இணைகின்றது. உடலுக்கு ஆரோக்கியமான இச்சுவையான உணவை, உங்கள் தினசரி உணவில் சேர்த்து, நெல்லிக்காயின் நன்மைகளை அனுபவிக்கலாம்!
தேவையான பொருட்கள்
1.நெல்லிக்காய் துண்டுகள் – 1கிலோ
2. மஞ்சள் தூள் – 10கிராம்
3. மிளகாய் தூள் – 50கிராம்
4. வெந்தய தூள் (வருத்தது) – 30கிராம்
5. பெருங்காயத்தூள் -10கிராம்
6. உப்பு – 150கிராம்
7. நல்லெண்ணெய் – 350மில்லி
8. கடுகு – 1/2 தேக்கரண்டி
9. புளி – 100கிராம்
10. வினிகர் – 20மி.லி
நெல்லிக்காய் ஊறுகாய் செய்முறை
நெல்லிக்காய்களை நன்றாகக் கழுவிக் கொண்டு, தண்ணீர் விட்டோ அல்லது ஆவியிலோ சிறிதுநேரம் வேக வைக்கவும். வேகவைத்த காய்களில் இருந்து கொண்டைகளை நீக்கிவிட்டு ஆறிலிருந்து எட்டு துண்டுகளாகப் பிரித்துக் கொள்ளவும்,
வாணலியில் 100 மில்லி எண்ணெய் விட்டு, கடுகுத் தாளித்து உப்பு தவிர மற்ற பொருட்களைப் போட்டு வதக்கவும். பின்பு உப்புச் சேர்த்து வதக்கி கிருமி நீக்கம் செய்யப்பட்ட குப்பிகளில் போட்டு மீதி எண்ணெய் சூடு பண்ணி ஊறுகாயின் மேல் ஊற்றவும். ஊறுகாய் குப்பிகளை சுத்தமான மல் துணி கொண்டு மூடி ஐந்து நாட்களுக்கு வெயிலில் வைத்து எடுத்து பின்பு மூடி வைக்கவும்.
